मधमाशीच्या दंशामुळे इसमाचा मृत्यू
सडक अर्जुनी तालुक्यातील ग्राम पुतडी गावात एका 65 वर्षीय इसमाचा मधमाशीच्या दंशामुळे मृत्यू झाल्याची घटना घडली आहे.
मृताचे नाव सीमाजी सिताराम झोडे (वय 65) असे असून ते पुतडी येथील रहिवासी होते. अचानक मधमाशीने हल्ला केल्याने त्यांची प्रकृती बिघडली प्रथम उपचारादरम्यान त्यांचा मृत्यू झाला.
त्यांच्या पश्चात दोन मुले, दोन मुली, नातवंडे असा मोठा परिवार आहे. उद्या सकाळी 11 वाजता पुतडी येथील स्मशानभूमीत त्यांच्यावर अंत्यसंस्कार होणार आहेत.
गावात या घटनेमुळे शोककळा पसरली आहे.
