गोंदिया शहरातून हरविलेल्या मोबाईलच्या तांत्रिक पद्धतीने 51 मोबाईल केले मूळ मालकांना परत
गोंदिया शहर पोलिसांची कामगिरी
—000—
गोंदिया शहर पोलीस ठाणे हद्दीतून मागील 02 महिन्यात वेगवेगळ्या ठिकाणाहून वेगवेगळे कंपनीचे अँड्राईड मोबाईल हँडसेट हरविल्याच्या तक्रारी गोंदिया शहर पोलीस ठाणे येथे प्राप्त झालेले होते. सदर तक्रारीचे गोंदिया शहर पोलीस ठाणे येथील ठाणेदार श्री. किशोर पर्वते पोलीस निरीक्षक यांनी गंभीर दखल घेऊन त्यांच्या अधिनस्त गुन्हे प्रकटीकरण शाखेचे अंमलदार यांना मार्गदर्शन करून हरवलेल्या मोबाईलचे शास्त्रोक्त पद्धतीने शोध घेण्याबाबत आदेशित केले. त्या अनुषंगाने गुन्हे प्रकटीकरण शाखेचे अमलदार पोशि- अशोक रहांगडाले/1292 यांनी हरविलेल्या मोबाईलचे केंद्र शासनाच्या सेंट्रल इक्विपमेंट आयडेंटिटी रजिस्टर (CEIR) या आप्लिकेशन/पोर्टल वर हरविलेले मोबाईलचे अर्ज अपलोड करून गोंदिया शहर डीबी पथकासह पोलीस ठाणे हद्दीतून हरविलेले किंमती 4,60,000/- रु. चे एकूण 51 मोबाईल शोधून काढले. सदर मोबाईल दिनांक- 29/06/2025 रोजी श्रीमती रोहिणी बानकर उपविभागीय पोलीस अधिकारी गोंदिया व गोंदिया शहर पोलीस ठाणे येथील श्री किशोर पर्वते पोलीस निरीक्षक, सपोनी/हनवते व पोउपनि/डोंगरवार यांच्या हस्ते मूळ मालकांना परत करण्यात आले. मोबाईल मालकांना त्यांचे हरविलेले मोबाईल त्यांच्या हाती परत येतात त्यांच्या चेहऱ्यावरील आनंद द्विगुणित होऊन समाधान दिसत होते. पोलिसांच्या या उल्लेखनीय कामगिरीचे सगळीकडेच कौतुक होत आहे.
सदरची कामगीरी मा. श्री. गोरख भामरे, पोलीस अधिक्षक गोंदिया, श्री. नित्यानंद झा, अपर पोलीस अधिक्षक गोंदिया, श्रीमती रोहिणी बानकर, उपविभागीय पोलीस अधिकारी गोंदिया, स्थानिक गुन्हे शाखा (सायबर सेल ) गोंदियाचे पोलीस निरीक्षक श्री पुरुषोत्तम अहेरकर यांचे मार्गदर्शनाखाली पोलीस स्टेशन गोंदिया शहरचे पोलीस निरिक्षक श्री किशोर पर्वते, डी.बी. पथकाचे पो.हवा., कवलपालसिंग भाटीया, दिपक रहांगडाले, सुदेश टेंभरे, सतीश शेंडे, निशिकांत लोंदासे, प्रमोद चव्हाण, पो.शि. अशोक रहांगडाले, दिनेश बिसेन, सुभाष सोनवाने, मुकेश रावते, राकेश बंजारे, सोनु नागपुरे, प्रमोद शेंडे तसेच सायबर सेल येथील योगेश रहिले, रोशन येरणे यांनी केली आहे.
