सडक-अर्जुनी तालुक्यात अल्पवयीन मुलीवर लैंगिक अत्याचार
डुग्गीपार पोलिसांत गुन्हा दाखल; ५५ वर्षीय संशयित अटकेत
सडक-अर्जुनी : तालुक्यातील भुसारीटोला परिसरात अल्पवयीन मुलीवर लैंगिक अत्याचार केल्याच्या आरोपावरून डुग्गीपार पोलिसांनी ५५ वर्षीय व्यक्तीविरुद्ध गुन्हा दाखल करून त्याला अटक केली आहे.
पोलिसांच्या नोंदीनुसार, बाबूलाल जानू कवरे (वय ५५, रा. भुसारीटोला, पो. डव्वा, ता. सडक-अर्जुनी, जि. गोंदिया) याच्याविरुद्ध तक्रारीच्या आधारे कारवाई करण्यात आली. आरोपीने अल्पवयीन मुलीसोबत गैरवर्तन केल्याचा आरोप तक्रारीत करण्यात आला आहे.
या प्रकरणी डुग्गीपार पोलीस ठाण्यात अपराध क्र. ४३०/२०२६ अंतर्गत भारतीय न्याय संहिता २०२३ मधील कलम ६५(२) तसेच POCSO कायद्यान्वये संबंधित कलमांनुसार गुन्हा नोंदविण्यात आला आहे.
घटनेचा पुढील तपास डुग्गीपार पोलीस करीत असून, प्रकरणातील कायदेशीर बाबींचा तपास सुरू आहे.
