तंटामुक्त समितीचे अध्यक्ष नसीम शेख यांच्या निधनाने सडक अर्जुनीत शोककळा!
सडक अर्जुनी : सडक अर्जुनी तालुक्यातील नामवंत व्यक्तिमत्त्व, तंटामुक्त समितीचे अध्यक्ष तथा मंडई मंडळाचे प्रमुख नसीम भाई शेख (वय ४५ वर्षे, रा. सडक अर्जुनी) यांचे रविवार, दिनांक ४ ऑक्टोबर २०२६ रोजी हृदयविकाराच्या तीव्र धक्क्याने निधन झाले. त्यांच्या आकस्मिक निधनाच्या वृत्ताने सडक अर्जुनी परिसरात शोककळा पसरली असून सर्वत्र हळहळ व्यक्त केली जात आहे.
नसीम भाई शेख यांनी तंटामुक्त समितीचे अध्यक्ष तसेच मंडई मंडळाचे प्रमुख म्हणून सामाजिक क्षेत्रात आपली ओळख निर्माण केली होती. त्यांच्या निधनामुळे परिसरातील सामाजिक क्षेत्राची मोठी हानी झाल्याची भावना व्यक्त होत आहे.
त्यांच्यावर सोमवार, दिनांक ५ ऑक्टोबर २०२६ रोजी सडक अर्जुनी येथे अंतिम संस्कार करण्यात येणार आहेत. त्यांच्या निधनाने शेख कुटुंबीयांवर दुःखाचा डोंगर कोसळला असून मित्रपरिवार, नातेवाईक आणि नागरिकांकडून शोकसंवेदना व्यक्त करण्यात येत आहेत.
