दिवाळीनिमित्त वन्यजीव देवरी वनपरिक्षेत्रातील हंगामी व कंत्राटी वनमजुरांना फराळाचे वाटप
देवरी, दि. ५ नोव्हेंबर २०२६ :
दिवाळी सणाचे औचित्य साधून वन्यजीव देवरी वनपरिक्षेत्रातील हंगामी मजूर व कंत्राटी वनमजूर बांधवांना दिवाळी फराळाचे वाटप करण्यात आले.
वनविभागाच्या कामकाजात हंगामी व कंत्राटी वनमजूर यांचे योगदान अत्यंत महत्त्वाचे असून, वनसंवर्धन, वन्यजीव संरक्षण तसेच विविध क्षेत्रीय कामांमध्ये ते मोलाची भूमिका बजावत असतात. त्यांच्या कार्याचा सन्मान आणि दिवाळीचा आनंद सर्वांसोबत साजरा करण्याच्या उद्देशाने हा उपक्रम राबविण्यात आला.
यावेळी वनपरिक्षेत्रातील सर्व अधिकारी व कर्मचारी यांना दिवाळीच्या मनःपूर्वक शुभेच्छा देण्यात आल्या. सणासुदीच्या काळात सर्वांमध्ये आनंद, आपुलकी, बंधुभाव आणि एकोपा निर्माण व्हावा, या भावनेतून हा उपक्रम उत्साहात पार पडला.
या उपक्रमातून वनविभागातील अधिकारी, कर्मचारी आणि वनमजूर यांच्यातील जिव्हाळ्याचे व आपुलकीचे नाते अधिक दृढ झाले.
