Jiसडक अर्जुनीत पावसाची दमदार हजेरी; शेतकरी सुखावला
सडक अर्जुनी, प्रतिनिधी :
सडक अर्जुनी तालुक्यात आज दिनांक 23 जून रोजी सायंकाळच्या 8 वाजताच्या सुमारास पावसाने जोरदार हजेरी लावल्याने परिसरातील वातावरण आल्हाददायक झाले आहे. गेल्या काही दिवसांपासून पावसाच्या प्रतीक्षेत असलेल्या शेतकऱ्यांना या पावसामुळे मोठा दिलासा मिळाला आहे.
तालुक्यात अनेक ठिकाणी मध्यम ते जोरदार स्वरूपाचा पाऊस पडल्याने शेतशिवारात पाणी साचले असून खरीप हंगामातील पेरण्यांना वेग येण्याची शक्यता निर्माण झाली आहे. विशेषतः धान, सोयाबीन व इतर खरीप पिकांसाठी हा पाऊस लाभदायक ठरणार असल्याचे शेतकऱ्यांनी सांगितले.
पावसामुळे तापमानात घट होऊन उकाड्यापासून नागरिकांनाही काहीसा दिलासा मिळाला. ग्रामीण भागातील शेतकरी वर्गात समाधानाचे वातावरण असून आगामी काळातही चांगल्या पावसाची अपेक्षा व्यक्त करण्यात येत आहे.
“वेळीच झालेला पाऊस म्हणजे शेतकऱ्यांसाठी संजीवनीच,” अशी भावना अनेक शेतकऱ्यांनी व्यक्त केली. पावसाच्या आगमनाने शेतशिवार हिरवागार होण्याची आशा बळावली असून खरीप हंगामाबाबत सकारात्मक चित्र निर्माण झाले आ
